Terapevt Lev Averbax erkən yazda soyuqdəymədən qorunmaq üçün məsləhətlərini bölüşüb.
Aztibb.az “Medzdrav.İnfo”ya istinadən xəbər verir ki, həkimin bildirdiyinə görə, əsas tədbirlər qidalanmanın yaxşılaşdırılması, aktiv hərəkət və tədricən yüngül geyimə keçiddir. Soyuqlamamaq üçün qarderobunuzu dəyişməyə tələsməmək vacibdir.
Həkim vitamin qəbul etməyin soyuqdəymədən qorunmaq üçün təsirli vasitə olmadığını vurğulayıb. O əlavə edib ki, təməl sağlam həyat tərzi, düzgün qidalanma, adekvat yuxu və fiziki fəaliyyətdir.
Terapevt onu da qeyd edkb ki, soyuqdəymə, menstruasiya və ya hər hansı bir xəstəlik zamanı hamama baş çəkmək olmaz. Xroniki xəstəlikləriniz varsa, həkimə müraciət etməlisiniz. Hamam yalnız sağlam böyüklər üçün faydalıdır, uşaqlar üçün isə əks göstəriş ola bilər.
Yaz aylarında orqanizmdə baş verən dəyişiklik daha çox yaşlı və immun sistemi zəif olan insanlarda özünü göstərir. İmmun sisteminin zəifliyi qışda vitamin balansının azalması ilə ortaya çıxır. Bununla da halsızlıq yaranır, xəstəliklərə qarşı mübarizə zəifləyir. Bu fəsildə vitaminli qidalar az olmaqla yanaşı, onlardan istifadə də azlıq təşkil edir.