Subkonyunktival qanaxma və ya hiposfaqma və ya xalq dilində sadəcə olaraq “gözdə damar partlaması” gözün ağ sklerasında, dəqiq desək, sklera ilə konyunktiva arasında qan yığılmasıdır.

Aztibb.az “Pravda” nəşrinə istinadən xəbər verir ki, mütəxəssis Anastasiya Kostomaxanın bildirdiyinə görə, aydın görmə qüsuru ilə yanaşı, fiziki vizual narahatlıqla (nadir hallarda), xəstəliyin gedişi praktiki olaraq asemptomatik baş verir.

Konservativ müalicə olaraq, adətən, sürtgü və yumşaldıcı təsir göstərən göz damlaları təyin edilir. Bundan əlavə, qan damarlarını gücləndirmək üçün yaxşı dozada C vitamini və P (rutin) olan dərmanlar qəbul etmək məqsədəuyğun hesab edilir.

Bu xəstəlik tez-tez hipertonik xəstələrdə, hipertiroidizmdən, şəkərli diabetdən və anemiyadan əziyyət çəkən xəstələrdə və ya gözün sklerasının mexaniki zədələnməsi və ya beyin sarsıntısı, baş zədəsi nəticəsində özünü göstərir.

Həşəratların dişləməsi səbəbindən tez-tez hiposfaqma halları da olur. Həmçinin qan durulaşdıran dərmanların uzun müddət istifadəsi sklera hematomasına gətirib çıxarır.

Sonuncu nöqtəni nəzərə alaraq, göz kapilyarları bərpa olunana qədər dozanı azaltmaq və ya antikoaqulyantları tamamilə dayandırmaq tövsiyə olunur.

Allergiya xəstələri də tez-tez həddindən artıq lakrimasiyadan əziyyət çəkirlər, nəticədə gözlərini intensiv şəkildə ovuşdururlar və qanaxmaya səbəb olan gözün kövrək kapilyarlarını zədələyirlər.