Çinin Anhui Tibb Universitetinin alimləri müəyyən ediblər ki, bitki birləşmələri (flavonollar) sağlamlığı yaxşılaşdırır və bir çox xəstəliklərdə ölüm riskini azaldır.
Aztibb.az xəbər verir ki, bununla bağlı müvafiq hesabat “Scientific Reports“ jurnalında dərc olunub.
Ən çox flavonol giləmeyvə, meyvə, soğan və çayda olur. Araşdırma nəticəsində məlum olub ki, flavonolların artan istehlakı xərçəng və ürək-damar xəstəlikləri də daxil olmaqla bir sıra xəstəliklərdən ölüm riskinin azalmasına gətirib çıxarır.
Elm adamları, flavonolların faydalarının bitki birləşmələrinin orqanizmdə iltihabı azaltmaq, hüceyrələri oksidləşdirici stressdən qorumaq (antioksidant xüsusiyyətlər) və endotel (qan damarlarının içini əhatə edən toxuma) funksiyasını yaxşılaşdırmaq qabiliyyəti ilə əlaqədar olduğunu irəli sürürlər.