Həkim və teleaparıcı Aleksandr Myasnikov özünün Telegram kanalında asemptomatik olan təhlükəli xəstəlik barədə xəbərdarlıq edib.

Aztibb.az “Medik Forum” portalına istinadən xəbər verir ki, həkim qonoreya (süzənək) xəstəliyi başlayan xəstələrin hansı nəticələrlə üzləşə biləcəyini izah edib.

"Təkcə ABŞ-da ildə bir milyon qonoreya hadisəsi olur. Çox vaxt simptomsuz keçən xəstəlik vaxtında müalicə olunmasa, xəstələr sonsuzluq riski ilə üzləşə bilər”, – həkim vurğulayıb.

Qeyd edib ki, antibiotiklərin nəzarətsiz istifadəsi geniş yayılmış dərmanlara davamlı olan bakteriyaların əmələ gəlməsinə kömək edir. Vəziyyəti süzənək nümunəsi ilə izah edən həkim bildirib ki, mikrob bir çox antibiotiklərə qarşı həssas olur.