Məktəbəqədər uşaqların valideynlərinin ən çox rastlaşdığı problemlərdən biri də uşaqların “dırnaq yemə”sidir.

Aztibb.az “Involta media” nəşrinə istinadən xəbər verir ki, bu vərdiş uşağın sağlamlığı üçün mənfi nəticələrə səbəb ola bilər.

Dırnaqlar barmaqların zədə və infeksiyadan qorunmasında mühüm rol oynayır. Buna görə də xroniki “dırnaq yemə” barmaqların iltihabı, dəri infeksiyaları, diş və diş ətinin zədələnməsi kimi müxtəlif problemlərə, həmçinin özünə hörmətin aşağı olması və stresslə bağlı psixoloji problemlərə səbəb ola bilər.

Uşağınızın bu vərdişi aradan qaldırmasına kömək etmək üçün “dırnaq yemə” səbəblərinin fərqli ola biləcəyini başa düşmək lazımdır. Bu, stress, narahatlıq, cansıxıcılıq və ya sadəcə diqqət çatışmazlığına reaksiya ola bilər. Buna görə də problemin həllində ilk addım uşaqla ünsiyyət qurmaq, onun davranışının səbəblərini müəyyən etmək və onun həlli yollarını tapmaq olacaq.

Uşağın “dırnaq yemə” vərdişindən qurtulmasına kömək etməyin bir yolu onun vərdişi tərgitmək üçün göstərdiyi səyləri mükafatlandırmaq və tərifləməkdir. Uşağı davranışına görə cəzalandırmaq deyil, onu dəstəkləmək və stresli vəziyyətlərə alternativ reaksiya yollarını inkişaf etdirməyə kömək etmək vacibdir.

Uşağın “dırnaq yemə”sinin öhdəsindən gəlməsini asanlaşdırmaq üçün şərait yaratmaq da faydalıdır. Məsələn, uşağınızın dırnaqlarına sağlamlıq üçün zərərsiz olan, lakin acı dad verən xüsusi lak çəkə bilərsiniz. Bu, uşağı təkcə dırnaqlarını yeməkdən deyil, həm də sadəcə ağzında tutmaqdan məhrum edəcək.

Uşağınız sizə kömək üçün gəldiyi zaman onunla vaxt keçirməli və ona rahatlıq mühiti yaratmalı və vərdişi unutması üçün alternativ təklif etməlisiniz. Bu, hər hansı məşğuliyyət və ya təmiz havada gəzinti ola bilər.

Və təbii ki, səbirli olmaq və uşağınıza bu vərdişi aradan qaldırmaq üçün vaxt vermək vacibdir. Unutmayın ki, hər bir uşaq fərdi və xüsusi yanaşma tələb edir. Yalnız sizin dəstəyiniz və anlayışınızla uşaq uşaqlıq xəstəliyinə – “dırnaq yemə”yə müvəffəqiyyətlə qalib gələ biləcək.