Ağciyər reabilitasiyası AXOX (ağciyərlərin xroniki obstruktiv xəstəliyi) xəstələri üçün müalicədə qızıl standartdır.

Aztibb.az xəbər verir ki, pulmonoloq Nicat Ağayevin sözlərinə görə, ağciyər reabilitasiyası AXOX dan əziyyət çəkən insanlar üçün məşq təlimi, sağlamlıq barəsində təhsil və tənəffüs texnikasını özündə birləşdirən bir proqramdır.

Ağciyər reabilitasiyasının məqsədləri arasında simptomları və xəstəliklə bağlı ağırlaşmaları azaltmaq, insanın gündəlik həyat fəaliyyətində imkanlarından maksimum şəkildə istifadə etməsini təmin etmək və depressiya, yaxud stress kimi neqativləri aradan qaldırmaq yer alır.

Yaddan çıxarmayın ki, ağciyərlərin reabilitasiyası ilk növbədə fərdiləşdirilməlidir. Pasiyent gündəlik həyat fəaliyyətlərində özünü yoracaq işlərlə məşğul olmamalı və bunun üçün enerjiyə qənaət üsullarını öyrənməlidir. Tənəffüs təlimi verilərkən pasiyentə düzgün nəfəs almağı öyrətmək lazımdır. Bu, ağciyərlərin tutumunu artırmaq üçün olduqca vacibdir.