Uşaq və yeniyetmələrin məktəb mühitində qarşılıqlı əlaqəsi ciddi ehtiraslar və emosiyaların ifrat təzahürləri ilə müşayiət olunur. Yalnız hisslərin və münasibətlərin bu mürəkkəb təzahürünü başa düşmək çətindir, hətta qeyri-mümkündür.

Aztibb.az “Gazeta” nəşrinə istinadən xəbər verir ki, Amsterdamlı psixoloqlar məktəblilər arasındakı münasibətlərin onların psixi sağlamlığına və psixi sabitliyinə necə təsir etdiyini öyrənmək qərarına gəliblər. Onlar diqqətlərini narahatlıq, depressiya və sosial təcrid də daxil olmaqla daxili psixi pozğunluqlarla əlaqəli problemlərin öyrənilməsinə yönəldiblər.

Tədqiqatın iştirakçıları Hollandiyada orta məktəbdə oxuyan 11-15 yaş arası 432 şagird olub. Yeniyetmələr sosiometrik testdən keçirilib. Orada onlar dost hesab etdikləri 15-ə qədər həmyaşıdını siyahıya salıblar. Mütəxəssislər cavabları müqayisə etdikdən sonra məktəblilər arasında qarşılıqlı və birtərəfli simpatiya hallarını müəyyən ediblər.

Əldə edilən məlumatların təhlili göstərib ki, sinif yoldaşının sayı çox olan şagirdlərdə narahatlıq və depressiya əlamətləri demək olar ki, müşahidə edilmir. Həmyaşıdları ilə belə qarşılıqlı əlaqələrdən məhrum olan uşaqlarda isə nisbətən fərqli əhval görülüb. Birincilərdə emosional problemlərin əlamətlərini hiss etmək ehtimalı daha yüksək idi və dostluq etmək üçün daha çox istəkləri var idi.