Həkim Yuri Konev bildirib ki, son illər insanlar daha çox təzyiq ölçən cihaz almağa başlayıblar. O, bunu həm məlum xəstəliyin çoxalması, həm də insanların öz sağlamlıqlarına daha çox diqqət yetirmək istəyi ilə əlaqələndirib.
Aztibb.az “Involta media” nəşrinə istinadən xəbər verir ki, onun sözlərinə görə, əvvəlki illərlə müqayisədə qan təzyiqi ölçən cihazlara tələbat çox artıb.
Y.Konevin qeydinə görə, yaşlı insanlar olan hər bir ailədə tonometr olmalıdır. Cihaz problemləri erkən mərhələdə aşkar etməyə və lazım olduqda müalicə kursunu dəyişdirməyə kömək edir. Fakt budur ki, əksər ailədə bir nəfərdə yüksək təzyiq olur.
“Əgər bir insanda hipertoniya ilə bağlı hər hansı narahatlıq varsa, dərmanların effektivliyini qiymətləndirmək üçün hər dərman qəbulundan əvvəl qan təzyiqi ölçülməlidir. Özünüzü müşahidə gündəliyi də saxlamalısınız. Bir neçə gündən sonra belə tez-tez təzyiq ölçmələrinə ehtiyac olub-olmadığı aydın olacaq”, - deyə həkim əlavə edib.