Türkiyədə vətəndaş ilk robot qaraciyər donoru əməliyyatı ilə ölümdən döndü
28.02.2024 11:18

Robot əməliyyatı ilə qardaşından toxuma transplantasiyasından sonra sağlamlığına qovuşan 32 yaşlı Murat Çakan sağalmağı gözləyən xəstələrə orqanlarını vermək istəyir və hər kəsə orqan donorluğu ilə bağlı məsləhətlər verib.


Aztibb.az “TRT Haber”ə istinadən xəbər verir ki, əməliyyatı aparan professor Kamil Yalçın Polat bildirib ki, statistikaya görə, Türkiyədə hər il edilən transplantasiya sayı təxminən 2 mindir. İldə 200-ə yaxın qaraciyər nəqli edilir.

Türkiyədə ilk robot qaraciyər donoru əməliyyatı

Robot cərrahiyyə üsulu ilə bağlı bir təhsil prosesindən keçdiklərini və daha sonra əməliyyatlara başladıqlarını ifadə edən həkim donor üzərində əməliyyatı robotik üsulla etdiklərini və transplantasiyanı açıq əməliyyat olaraq həyata keçirdiklərini açıqlayıb:

"Türkiyədə ilk robot qaraciyər donor əməliyyatını həyata keçirdik. Bu, daha kiçik cərrahi kəsik, erkən ayağa qalxma və donor üçün rahat əməliyyat prosesini təmin edir. Robot əməliyyatı açıq əməliyyatla demək olar ki, eyni vaxt aparır. Yəni çox az diskomfort yaradır. Əməliyyat planlayırıq və həyata keçiririk. Bu,təbii ki, böyük rahatlıq verir. Erkən dövrdə xəstə ertəsi gün ayağa qalxa bilir.Yeyir, içir, dolaşır."

"Mənə diaqnoz qoyulanda çox qorxdum"

Murat Çakan 13 ilə yaxındır xroniki xəstəlikdən əziyyət çəkdiyini və son 5 ildə şikayətlərinin artdığını bildirib.

Qaşıntısının gecələr yata bilməyəcək səviyyəyə yüksəldiyini, səhər zəif və yorğun oyandığını, şikayətlə getdiyi xəstəxanada qaraciyər çatışmazlığı diaqnozu qoyulduğunu ifadə edən xəstə ona qaraciyər köçürülməli olduğunu öyrənib.

M.Çakan qardaşının donorluğu qəbul etdiyini bildirib: "Qardaşım ciyərinin bir hissəsini tərəddüd etmədən bağışlamağa razı oldu. Mən də tərəddüd etmədən orqanımı verərdim... Əməliyyat çətin ola bilər, lakin orqan transplantasiyamdan sonra 4-cü gün ayağa qalxa bilirəmsə, xəstələr də bu prosesdən qorxmamalıdırlar”.

Hər kəsdən donor olmağı xahiş edən M.Çakan, transplantasiya gözləyən çox xəstənin olduğunu bildirərək, orqanlarını bağışlamaq üçün o da lazımi addımları atacağını deyib.

ÇOX OXUNANLAR
 Gənc həkim Samux Rayon Mərkəzi Xəstəxanasında işə başlayıb   
 Xalq yazıçısı Çingiz Abdullayev Mərkəzi Gömrük Hospitaldan evə buraxılıb
Hər gün ispanaq yeməyin FAYDALARI
Peşəkar həkimlərimizi tanıyaq! -  Tibb üzrə fəlsəfə foktoru Sədi Allahverdiyev
Pediatr Sevil Orucovanın məqaləsi:
Tibb üzrə fəlsəfə doktoru Yazgül Abdıyevanı 50 illik yubileyi münasibətilə təbrik edirik!
Bu hallarda qırmızı ət zərərli və ya sağlam hesab edilir
 Qaranlığa qalib gələn təbib - Rəşad Mahmudov yazır...   
Regionlarda fəaliyyət göstərən peşəkar səhiyyə işçilərini tanıtmaqda davam edirik!
 6 yaşlı pasiyent üzərində cərrahi əməliyyat uğurla icra edilib   
 Naftalanda “Zirvələrə yüksələn zərif insan ömrü” adlı tədbir keçirilib   
Maarifləndirici tədbir: “Məişət zorakılığına yox deyək!” 
İcbari Tibbi Sığorta üzrə Dövlət Agentliyi İctimaiyyətlə əlaqələr şöbəsinə işçi axtarılır
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
Elmi-Tədqiqat Pediatriya İnstitutunda akademik Zərifə Əliyevaya həsr olunan konfrans keçirilib