Amerikalı alimlər beyinin insan emosiya və hisslərini dəqiq müəyyən etmək qabiliyyətini göstərən yeni tədqiqat aparıblar.

Aztibb.az xəbər verir ki, Nyu-Cersi Texnologiya İnstitutunun saytında (https://www.njit.edu) yer alan məlumata görə, elmi qurumun mütəxəssisləri sözügedən araşdırmanı mövcud vasitələrdən istifadə edərək beynin hissləri və emosiyaları proqnozlaşdırmağa necə kömək etdiyini anlamaq üçün aparıblar.

Tədqiqatın nəticələri həm də əyləncə, reklam və marketinq qruplarında tətbiq üçün əhəmiyyətli hesab edilib.

Müəyyən edilib ki, beyin fəaliyyətinin və dəri keçiriciliyinin ölçülməsi insanın həyatının emosional ölçüsünün yüksək dəqiq göstəriciləri olduğunu sübut edir.

Alimlər elektroensefaloqramma (EEQ) sensorlarını və dərinin elektrik keçiriciliyini ölçən qalvanik dəri reaksiyası (GSR) sensorlarını orqanizmi öyrənmək üçün etibarlı vasitə adlandırıblar.

Göründüyü kimi, onlardan insanların hisslərini öyrənmək, o cümlədən marketinq stimulları ilə bağlı etibarlı şəkildə proqnozlaşdırmaq üçün istifadə edilə bilər. Üstəlik, bu cür hesablamalar insanların subyektiv özünü qavrayışından qat-qat dəqiq olur.

Oxşar tədqiqatı aparmaqla Stenforddan olan mütəxəssislər də süni intellektdən istifadə edərək kişilərdə və qadınlarda beyin fəaliyyətinin xüsusiyyətlərini anlaya biliblər.

Mütəxəssislər ümid edirlər ki, əldə edilən məlumatlar müxtəlif cinslərə təsir edən xəstəliklərin müalicəsinin müxtəlif üsullarını başa düşmək və həyata keçirmək üçün faydalı olacaqdır.