Ürək-damar xəstəlikləri insanların həyat keyfiyyətinə və ömrünün uzunluğuna əhəmiyyətli təsir göstərməklə yanaşı, həm də onların gələcək uşaqlarının sağlamlığı üçün uzunmüddətli nəticələrə səbəb ola bilər.

Aztibb.az “MedNovelty” portalına istinadən xəbər verir ki, Hindistanlı alimlər tərəfindən aparılan araşdırma valideynlərdə hipertoniya ilə onların övladlarının reproduktiv sağlamlığı arasında mühüm əlaqə olduğunu ortaya çıxarıb.

Doğuş üzrə mütəxəssis Harita Mannem vurğulayıb ki, hipertoniya həm kişilərdə, həm də qadınlarda fertilliyə (qadının hamilə qala bilməsi üçün münbitlik şərti) ciddi təsir göstərə bilər. Kişilərdə bu vəziyyət tez-tez erektil disfunksiyaya gətirib çıxarır, qadınlarda isə reproduktiv sistemdə problemlər yaradır ki, bu da menstrual tsiklin dəyişməsi və məhsuldarlığın pozulması ilə nəticələnə bilər.

Maraqlı fakt

Ümumdünya Səhiyyə Təşkilatının məlumatına görə, hipertoniya dünyada vaxtından əvvəl ölümün əsas səbəblərindən biridir. Dünyada 30-79 yaş arasında olan təxminən 1,28 milyard yetkin hipertoniyadan əziyyət çəkir, onların çoxu öz vəziyyətlərindən xəbərsizdir. Bu, qan təzyiqinə nəzarəti ictimai sağlamlığın yaxşılaşdırılmasında əsas aspektə çevirir.

Hipertoniyalı hamiləlik əlavə risklər daşıyır. Yüksək qan təzyiqi olan qadınlarda preeklampsi, gestational diabet və vaxtından əvvəl doğuş ehtimalı inkişaf riski olur. Bu ağırlaşmalar yalnız ananın sağlamlığını təhdid etmir, həm də körpənin sağlamlığına təsir göstərə bilər.

Hipertoniyanın idarə edilməsi təkcə böyüklərin sağlamlığını və rifahını yaxşılaşdırmaqla yanaşı, gələcək nəsillərin sağlamlığının təmin edilməsində də mühüm rol oynayır.