Çinli alimlər qazıntılar zamanı 3 dəbdəbəli məzara rast gəliblər - Dai mötəbər Li Kanq, onun həyat yoldaşı Ledi Dai və ehtimal ki, cütlüyün oğlu. İlk iki məzarın xüsusilə maraqlı olmadığı ortaya çıxıb. Üçüncü məzar elm adamları üçün əsl cekpot idi.

Aztibb.az “Planet Today” nəşrinə istinadən xəbər verir ki, bu məzarlıqda 1000-dən çox əşya tapılıb. Bunlar zinət əşyaları, musiqi alətləri, geyimlər və müxtəlif məişət əşyalarıdır. Qəbirdə ilkin olaraq mərhumun 30-a yaxın sevimli yeməkləri aşkar edilib. Onlar ətraflı reseptlərlə birlikdə bambuk qutularda idilər. Burada ipək parça üzərində çap olunmuş qədim xəritə də tapılmışdır. Alimlər onun dəqiqliyinə heyran qalıblar.

Adı Xin Zhui olan qadının cəsədi, dəfnindən 2000 ildən çox vaxt keçməsinə baxmayaraq, demək olar ki, dəyişməz qalıb.

Üstəlik, hətta daxili orqanlar da bütöv idi. Bədəndə qan var idi, əzələlər elastik idi və dəri yumşaq idi. Hətta oynaqlar da hərəkətliliyini qoruyub saxlayırdı. Elm adamları Ledi Dainin gəncliyinin sirrini açmağa çalışıblar.

Mütəxəssislər sonuncu tabutun bir növ sarımtıl maye ilə doldurulduğunu müşahidə ediblər. Oksigenlə təmas nəticəsində dərhal qaralma baş verib və sonra tamamilə buxarlanıb. Alimlər mayenin tərkibini müəyyən edə bilməyiblər, lakin onun tərkibində böyük miqdarda civə olduğunu aşkar ediblər. Qədim Çin kimyagərləri bu təhlükəli metalı ölümsüzlük iksirinin vacib komponenti hesab ediblər.

Belə düşünülüb ki, imperator Qin Şi Huanq hətta civə həbləri də qəbul edib. Lakin tarixçilərin fikrincə, onu zəhərləyənlər məhz onlar olub.