Bəzən fləşlə foto çəkdirərkən gözlərin niyə rəng dəyişdiyini biləndə insanlar istər-istəməz çaşqın olurlar.

Aztibb.az “CNN Türk”ə istinadən xəbər verir ki, fləşlə çəkilən fotoşəkillər sözün əsl mənasında gözlərin arxasında baş verənləri çəkir. Fləş gözümüzün içini effektiv şəkildə işıqlandırır. Gözlərimizin arxasında yatan və qırmızı təsirə səbəb olan qırmızı qan damarlarıdır.

Amerika Oftalmologiya Akademiyasına görə, qırmızı gözlər kamera işığı qanlı retinanı işıqlandırdıqda baş verir.

Fotoşəkildə gözlər niyə həmişə qırmızı görünməyir?

Bəzən şərait uyğun olsa da, fotoşəkildə gözlərinizin niyə qırmızı görünməməsinin müxtəlif izahları var. Məsələn, siz birbaşa kamera obyektivinə baxmırsınız və ya şəkil çəkilən zaman gözünüzü qırpmış ola bilərsiniz.

Həm gözü qıyıq insanlarda qırmızı gözlər tez-tez görünmür. Çünki bu şəxslərin göz bəbəklərinin hər ikisi birbaşa kameraya baxa bilmir.

Bütün şərtlər uyğun olsa belə, gözlərin qızarmamasının digər səbəbi “retinoblastoma” adlı nadir uşaqlıq göz xərçənginin əlaməti ola bilər.

Bu vəziyyət torlu qişaya, görmə qabiliyyətinə kömək etmək üçün beyinə siqnallar göndərən gözün arxa hissəsinə təsir edir və həyat üçün təhlükə yaradır. Erkən diaqnoz müalicənin müvəffəqiyyətini artıra və görmə itkisi kimi ağırlaşmaları azalda bilər.

Retinoblastoma nədir?

Retinoblastoma gözün tor qişasında (gözün işığı hiss edən təbəqəsi) başlayan xərçəng növüdür və genetik faktorlarla əlaqələndirilir. Adətən uşaqlıqda torlu qişada hüceyrələrin nəzarətsiz böyüməsi və çoxalması nəticəsində baş verir.

Bu xəstəlik adətən aşağıdakı simptomlarla özünü göstərir:

- Gözlərdə ağlıq və ya ləkələr
- Gözdə anormal parıltı və ya əks (əsasən fotoşəkil çəkərkən nəzərə çarpır)
- Gözdə əhəmiyyətli sallanma və ya sulanma
- Bulanıq görmə və ya görmə itkisi