Professor Uğur Coşkun bir çox xərçəng hadisəsinin erkən diaqnozla müalicə oluna biləcəyini, lakin bəzi irəliləmiş hallarda xərçəngin digər orqanlara yayılması (metastaz) kimi həyati təhlükənin yarana biləcəyini bildirib.

Aztibb.az “TRT Haber”ə istinadən xəbər verir ki, professor xaricdə aparılan araşdırma nəticəsində döş və bağırsaq şişlərində xərçəngin yayılmasını sürətləndirən “ZEB-1” adlı zülalın aşkar edildiyini bildirib: “Döş xərçəngi ilə bağlı aparılan araşdırma nəticəsində , ZEB-1 zülalının döş xərçəngi şişinin sümüyünə daha tez metastaz etdiyi aşkar edilmişdir. Müəyyən edilib ki, zülal aradan qaldırılsa, xəstəliyin təkrarlanmaları daha az olacaq”.

Gələcəkdə hazırlanacaq dərmanlar bizə yol göstərə bilər

Bu zülalın fəaliyyətini aradan qaldıracaq dərmanlar inkişaf etdiriləcək. Xaricdəki araşdırmalarda əvvəlcə hüceyrə kulturlarının, daha sonra heyvanlar üzərində araşdırmalar aparılacağı bildirilir. Daha sonra insan üzərində araşdırmalar aparılacaq.