İmmunoloq Nikolay Kryuçkov müsahibəsində Taylandda bilinən qeyri-adi virusun müxtəlif səbəblərdən ortaya çıxa biləcəyini qeyd edib.

Aztibb.az “Actual News” portalına istinadən xəbər verir ki, immunoloqun sözlərinə görə, xüsusi laboratoriya testlərinin nəticələrini təhlil etmək lazımdır. Müxtəlif variantlar mümkündür, o cümlədən mikoplazma pnevmoniyası, koronavirus və ya denge qızdırması. Dəqiq təyin etmək üçün laboratoriya testləri tələb olunur.

İmmunoloq, həmçinin xatırladıb ki, bir çox ölkələrdə koronavirusa yoluxma hallarında artım müşahidə olunur, buna görə də səyahət edənlərin təsvir etdiyi simptomlar bu infeksiya ilə əlaqəli ola bilər.

“Koronavirusun, eləcə də mikoplazma pnevmoniyasının tezliyi dalğavari xarakter daşıyır. Bununla belə, asemptomatik halların çoxluğunu nəzərə alsaq, faktiki insident daha yüksək olmalıdır. Ola bilsin ki, hansısa epidemiya baş verir. Hazırda mikoplazma pnevmoniyası da koronavirus kimi artmaqdadır”, - immunoloq əlavə edib.