Uppsala Universitetinin (İsveç) alimləri istənilən şəxs üçün növbəti altı ay ərzində infarkt riskini hesablamaq üçün istifadə edilə bilən onlayn alət hazırlayıblar.
Aztibb.az yazır ki, bu barədə məşhur “Nature” jurnalı məlumat yayıb.
Bu gün ürək-damar xəstəlikləri, o cümlədən miokard infarktı (MI) bütün dünyada ölümün aparıcı səbəblərindən biri olaraq qalır.
Professor Yohan Sundström və tədqiqat qrupu infarkt riskini əhəmiyyətli dərəcədə artıran əsas amilləri müəyyən ediblər. Məsələn, onlar öyrəniblər ki, MI riski boşanmadan sonra ilk ayda iki dəfə, sonra isə xərçəng diaqnozundan sonra bir həftə ərzində 5 dəfə artıb.
İndi kardioloqlar öz araşdırmalarına əsaslanaraq, qaçılmaz infarkt ehtimalını göstərən və yüksək risk altında olan insanlarda müşahidə edilməli olan müəyyən markerləri müəyyənləşdiriblər.
Tədqiqatda əvvəllər ürək-damar xəstəliyi olmayan 2018 insan iştirak edib. Onların arasında 420 nəfər qan nümunələri götürüldükdən sonra altı ay ərzində ilk dəfə infarkt keçirib.
Tədqiqatçılar iştirakçılarda kardiometabolik markerlər, ürək-damar markerləri, iltihab, inkişaf, immun reaksiya markerləri və xərçənglə əlaqəli zülallar da daxil olmaqla 829 zülalı təhlil ediblər. Qırx səkkiz zülalın (beyin natriuretik peptidinin yüksək səviyyəsi daxil olmaqla), iştirakçıların yaşı, cinsi və qan təzyiqi miokard infarktı riski ilə əlaqəli olduğu aşkar edilib.
Bu araşdırmalara əsasən, elm adamları hər kəsə infarkt riskini qiymətləndirməyə imkan verən onlayn alət hazırlayıblar.
Onlayn test sizdən cins, yaş, boy, bel ətrafı, diabet, siqaret və xolesterin səviyyələri daxil olmaqla bir neçə suala cavab vermənizi tələb edir.