Cons Hopkins Tibb Məktəbinin tədqiqatçıları nadir və aqressiv xərçəngin - HER2-mənfi döş xərçənginin innovativ müalicəsi ilə bağlı məlumat yayıblar.

Aztibb.az “Planet Today” nəşrinə istinadən xəbər verir ki, eninostat, nivolumab və ipilimumabın kombinasiyasının istifadəsinə əsaslanan metod xəstənin sağ qalma müddətini əhəmiyyətli dərəcədə artırıb.

Məlumata görə, tədqiqatda döş xərçəngi olan 24 qadın iştirak edib. Yarısında hormon reseptoru müsbət döş xərçəngi, digər yarısında isə üçlü mənfi döş xərçəngi olub. Xəstələr entinostat, nivolumab və ipilimumab daxil olmaqla dərmanların kombinasiyası ilə müalicə olunublar.

Tədqiqatın əsas məqsədləri müalicənin təhlükəsizliyini, ümumi cavab nisbətini, klinik faydanı, sağ qalmağı və immun cavab dəyişikliyini qiymətləndirmək idi. Nəticələr müalicənin təhlükəsiz olduğunu, dozanı məhdudlaşdıran toksikliyin müşahidə olunmadığını göstərdib. Ümumi cavab nisbəti 25%, klinik fayda isə 40%-ə çatıb. 6 ayda irəliləməsiz sağ qalma 50% olub.

Döş xərçəngi müalicəsində bu irəliləyiş dağıdıcı xəstəliyə qarşı mübarizədə irəliyə doğru əhəmiyyətli bir addım ola bilər.