Beynəlxalq alimlər qrupu ağciyər vərəminin müalicəsi üçün eksperimental preparat olan “Qanfeborol”un klinik sınaqlarının ikinci mərhələsini uğurla başa çatdırıb.

Aztibb.az xəbər verir ki, nəticələr “Nature Medicine” jurnalında dərc olunub.

Həkimlər qeyd ediblər ki, sınaq zamanı dərman vərəm xəstələrinin ağciyərlərində bakteriyaların sayını azaltmağa kömək edib. Bundan əlavə, dərman təhlükəli yan təsirlərə səbəb olmayıb.

Təcrübədə son vaxtlar vərəmə yoluxmuş 76 kişi iştirak edib. Könüllülərin yarısı standart rifampisin əsaslı terapiya alıb, qalanları isə 1 ilə 30 mq arasında dəyişən dozalarda ganefeborol qəbul ediblər. Həkimlər onların bəlğəm nümunələrinin analizini də edib.

Məlum olub ki, eksperimental preparatın yüksək dozası olan qruplar effektivlik baxımından standart müalicə alanlarla eyni səviyyədədir. Bundan əlavə, alimlər bir sıra vərəm əleyhinə dərmanların yaratdığı heç bir yan təsir və ya həzm problemi aşkar etməyiblər.

Alimlər ümid edirlər ki, preparatın klinik sınaqlarının uğurla başa çatması həkimlərin vərəmlə mübarizə imkanlarını genişləndirəcək.