Pediatr suçiçəyi haqqında yayılmış mifləri təkzib edib və bu ciddi xəstəliyin qarşısının alınması üçün tövsiyələrini verib.
Aztibb.az “Med Novelty” portalına istinadən xəbər verir ki, pediatr Kristina Mulyukovanın sözlərinə görə, suçiçəyi hər yaşda insana təsir edə bilən bir xəstəlikdir.
Həkim vurğulayıb ki, suçiçəyi həm hava-damcı yolu, həm xəstə ilə, həm də məişətdə təmasda, dəsmal və qab-qacaq vasitəsilə yoluxur. Xəstəlik 10-21 gündən sonra özünü göstərir və insanın özü xarakterik səpgilərin - kiçik partlayan blisterlərin görünməsindən 48 saat əvvəl yoluxucu olur.
O, xüsusilə yeni doğulmuş körpələr, hamilə qadınlar və immun sistemi zəif olan insanlar üçün, məsələn, pnevmoniya, meningit və ya sepsis kimi mümkün fəsadlar barədə xəbərdarlıq edib.
Həkim xəstəlik zamanı duş qəbul etməyin qadağan edilməsi ilə bağlı mifləri təkzib edib və qaşınmanı aradan qaldırmaq və infeksiyanın yaralara keçməsinin qarşısını almaq üçün gündə bir dəfə gigiyenik duş qəbul etməyi məsləhət görüb. O, həmçinin suçiçəyi xəstəliyindən sonra təkrar yoluxma şansının nadir olduğunu söyləyib.
Su çiçəyi xəstəliyinə yoluxma riskini azaltmaq üçün əlləri tez-tez yumaqla, xüsusilə də yeməkdən əvvəl, üzünüzə toxunmamaq, infeksiyanın yayılmasının qarşısını almaq üçün öz diş fırçanız, dəsmal və qab-qacaqdan istifadə etməklə yaxşı gigiyena qaydalarına riayət etmək tövsiyə edilir.
O, həmçinin vurğulayıb ki, ən yaxşısı xəstəliyin qarşısının alınması üçün12 aydan etibarən tövsiyə olunan peyvənddir.