Bağbanlar tərəfindən adətən narahatedici alaq otu hesab edilən zəncirotu sağlamlıq xəzinəsidir.
Aztibb.az “Medzdrav.İnfo”ya istinadən xəbər verir ki, yüksək kateqoriyalı həkim Olqa Danilyuk bu bitkinin bir çox faydalı xüsusiyyətləri haqqında danışdı.
Mütəxəssisin fikrincə, bu bitki qanı mükəmməl təmizləyir, qanın özlülüyünü azaltmağa kömək edir, maddələr mübadiləsini və xolesterin səviyyəsini tənzimləyir. Bitki müxtəlif növ diabetin müalicəsində yüksək effektivliyə və güclü antiallergik təsirə malikdir.
Zəncirotu qaraciyərə də faydalı təsir göstərir, toksinlərdən və zəhərlərdən qurtulmağa kömək edir, toksinləri bədəndən çıxarır, həmçinin ilan sancması da daxil olmaqla müxtəlif zəhərlənmə və intoksikasiyalara qaşı təsirlidir. Bitki yuxunu yaxşılaşdırmağa və yuxusuzluqla mübarizə aparmağa kömək edir.
Bundan əlavə, oynaq qığırdaqlarına, həzmə müsbət təsir edir, ödqovucudur, iltihablı böyrək xəstəliklərinin müalicəsində istifadə olunur, şişkinliyi azaldır, qəbizliklə mübarizə aparır və antihelmintik təsir göstərir.
Apteklərdə satılan bu bitkinin kökü xüsusi dəyərə malikdir. Həkim onu təlimatlara uyğun olaraq və həkim məsləhətini nəzərə alaraq istifadə etməyi tövsiyə edib.