Osmaniyədəki özəl xəstəxanalardan birinə ürəkbulanma, qusma və qarın ağrısı şikayətləri ilə müraciət edən 40 yaşlı qadın xəstənin mədə və nazik bağırsağından 2 kq ağırlığında saç kütləsi çıxarılıb.
Aztibb.az “CNN Turk”ə istinadən xəbər verir ki, uzun müddət davam edən qarın ağrısı və ürəkbulanma şikayətləri ilə dəfələrlə sağlamlıq mərkəzlərinə müraciət edən və şikayətləri davam edən qadın xəstə daha sonra özəl səhiyyə müəssisəsinə müraciət edib. Burada müayinə olunub və müayinələr nəticəsində mədəsində yad cisim olduğu müəyyən edilib.
Xəstənin əməliyyat olunmasına qərar verilib və cərrahi müdaxilə edilib. Əməliyyat zamanı 40 yaşlı qadın xəstənin mədəsindən 10-13 santimetr uzunluğunda saç kütləsi çıxarılıb.
RAPUNZEL SİNDROMU
Xəstədə nadir rastlanan rapunzel sindromu aşkar edilib. Dr. Seçkin Ak Küçük bildirib ki, bu saç yemək vərdişləri olan, psixoloji pozğunluqdur. Buna hətta ədəbiyyatda Rapunzel sindromu da deyirlər.
Rapunzel Sindromu əsasən mədə, nadir hallarda isə nazik bağırsaqlarda görülür. Bu xəstəni maraqlı edən xüsusiyyətlərdən biri də onun həm mədəsində, həm də nazik bağırsağında saç topasının olmasıdır. Bəzən nadir hallarda nazik bağırsaqlarda müşahidə edilir. Bu hal çox vaxt gec müşahidə edilir, çünki müəyyən ölçüyə çatana qədər kliniki xarakter almırlar. Əgər xəstənin yaxınları heç bir şeydən şübhələnməsələr və bu vərdişinə görə həkimə müraciət etməsələr, indi bu xəstədə olduğu kimi onlarda da inkişaf etmiş maneələr olacaq. Bəzən qanaxmaya da səbəb ola bilir. Təəssüf ki, dərman vasitəsi ilə müalicə etmək mümkün deyil. Çox vaxt cərrahi müdaxilə tələb olunur.
