Amerikalı alim Roman Yampolski süni intellektin (AI) nəzarətdən çıxması riskinin yüksək olmasından danışıb.
Aztibb.az xəbər verir ki, bununla bağlı “Involta media” nəşri məlumat yayıb.
Louisville Universitetinin professoru “Süni intellekt: izah olunmayan, gözlənilməz, idarəolunmaz” kitabında təhlükənin yeni texnologiyaların qeyri-məhdud inkişafı ilə yarandığını izah edir. Onun sözlərinə görə, bu, ekzistensial fəlakət riskini daşıyan, demək olar ki, zəmanətli hadisədir.
Alim qeyd edir: "Əgər biz AI cavablarını izahatsız qəbul etməyə öyrəşsək, onun səhv və ya manipulyasiya xarakterli cavablar verməyəcəyinə zəmanət verə bilməyəcəyik".
O hesab edir ki, süni intellektin hərəkətlərini təxmin etmək sadəlövhlükdür, çünki insanların intellektual proqram təminatı yaratmaq qabiliyyəti onu idarə etmək qabiliyyətini xeyli üstələyir.
Mütəxəssis bildirib ki, süni intellekt tam muxtariyyət qazana və gözlənilməz hala gələ bilər və buna görə də onun hər hansı hərəkətini və ya qərarını ləğv edə bilmək lazımdır.