Karolinska İnstitutunun isveçli alimləri orqanizmdə iltihabi proseslərlə əlaqəli 12 qan biomarkerinin təhlili əsasında uzunömürlü yaşlıların qanının digər insanların qanından nə ilə fərqləndiyini müəyyən ediblər.

Aztibb.az xəbər verir ki, bu barədə “GeroScience” məlumat yayıb.

Nəticədə məlum olub ki, uzunömülü insanlarda əksər biomarkerlərin median dəyərləri digərləri ilə təxminən eynidir.

Tədqiqata həmçinin metabolik vəziyyət və bədən funksiyası ilə bağlı müxtəlif markerlər daxil edilib: ümumi xolesterin, qlükoza, albumin, GGT, Alp və LD. Bundan əlavə, tədqiqatçılar kreatinin istifadə edərək böyrək funksiyasını qiymətləndiriblər və dəmir səviyyələri və TİBC kimi anemiya və qidalanma ilə bağlı göstəriciləri də araşdırıblar.

Kreatin (C4H9N3O2) azot tərkibli karboksilik turşudur, əzələ və sinir hüceyrələrində enerji mübadiləsində iştirak edir. Tez-tez idmançılarda və yaşlı insanlarda fiziki fəaliyyətin effektivliyini və əzələ kütləsini artırmaq üçün istifadə olunur. Kreatinin kreatin fosfat reaksiyasının son məhsuludur. Kreatinin əzələlərdə əmələ gəlir və sonra qana buraxılır. Kreatinin bədəndən böyrəklər tərəfindən sidiklə xaric edilir, ona görə də kreatinin böyrək fəaliyyətinin mühüm göstəricisidir.

Nəticələr müəyyən edib ki, 100 yaşına çatmış insanlarda 60+ yaşdan başlayaraq ümumiyyətlə qlükoza, kreatinin və sidik turşusu daha aşağı səviyyədə olur. Həmçinin, yaşlılar arasında bütün 12 göstəricinin olduqca yüksək və ya aşağı dəyərləri nadir hallarda müşahidə olunub.

Müəyyən edilib ki, ümumi xolesterol və dəmir səviyyəsi ən aşağı olan qruplardakı insanların 100 yaşa qədər yaşama ehtimalı yüksək olanlara nisbətən daha azdır. Eyni zamanda, qlükoza, kreatinin, sidik turşusu və qaraciyər funksiyası göstəriciləri yüksək olan insanlarda da ehtimallar azalıb.

Elmi tapıntılara görə, bəzi insanların uzunömürlülüyünü izah edən məhz bu dərəcə fərqi ola bilər. Əldə edilən məlumatlara əsasən, isveçli tədqiqatçılar insanların ömrünü uzatmağı planlaşdırırlar.