Hindistanın Yeni Dehli şəhərindəki Sir Qanqa Ram Xəstəxanasının cərrahları yaşlı kişinin qarın boşluğundan şişi çıxarmaq üçün ən çətin tibbi əməliyyatı uğurla həyata keçiriblər.

Aztibb.az xəbər verir ki, bu barədə “The Times of India” məlumat yayıb.

Həkim Sauvitra Ramatın sözlərinə görə, 77 yaşlı xəstənin şişi qarın boşluğunun 85%-ni tutub və demək olar ki, bütün daxili orqanları sıxıb. Şişin çəkisi 14 kiloqram, ölçüləri 75x45 sm olub.

Bu hadisə əslində bütün tibb tarixində insan qarın boşluğundan çıxarılan ən böyük şişlərdən biridir.

Əməliyyatın altı saat davam etdiyi bildirilib. Şiş çıxarıldıqdan sonra həkimlərin qorxusunu təsdiqləyən histoloji müayinə aparılıb. Neoplazmanın bədxassəli olduğu ortaya çıxıb. Xəstəyə liposarkoma diaqnozu qoyulub. Bu, yağ toxumalarında inkişaf edən şişin adıdır.