Psixoloq bildirib ki, uşaqları cəzalandırmağın ən yaxşı yolu əyləncədən məhrum etməkdir.

Ailə psixoloqu Yuliya Tambalaeva vurğulayıb ki, şəraitdən asılı olmayaraq, uşaqlar cəza növü kimi fiziki və ya emosional zorakılığa məruz qalmamalıdır. O, sakit olmağın, davranış pozuntularının səbəblərini başa düşməyin və yalnız vəziyyəti təhlil etdikdən sonra cəza haqqında qərar qəbul etməyin zəruriliyini qeyd edib.

Aztibb.az “Pravda” nəşrinə istinadən yazır ki, psixoloq uşağın fərdi xüsusiyyətlərini və maraqlarını başa düşməyə əsaslanan alternativ cəza üsullarını təklif edib. Məsələn, uşağın vacib və ya arzuolunan hesab etdiyi bəzi əşyalardan və ya fəaliyyətlərdən məhrum etmək effektiv cəza ola bilər.

Kiçik uşaqlar üçün bu, oyuncaqlar və ya şirniyyatlar, yetkin uşaqlar üçün isə hobbilər, kinoya getmək və s. ola bilər. Ekspert həmçinin uşağa onun hərəkətləri və cəzası arasında səbəb-nəticə əlaqəsini izah etməyin vacibliyini vurğulayıb və həmçinin valideynləri uşaqları ilə mövcud vəziyyətləri müzakirə etməyə təşviq edib.

O, cəzanın rituala və ya əyləncəyə çevrilməməsi üçün cəza prosesində uşaqla emosional oyunlara girməməli olduğunu vurğulayıb. Bunun əvəzinə, qayda pozuntularına emosional cavab vermək və müəyyən edilmiş cəza normalarına riayət etmək vacibdir.