Tibb üzrə fəlsəfə doktoru, terapevt İrina Baranova bildirib ki, soyuqdəyməyə uzun müddət məruz qalma səbəbindən orqanizmda çox narahatlıqlar ortaya çıxır.
Aztibb.az “Gazeta” nəşrinə istinadən xəbər verir ki, həkimin fikrincə, burada insanın ümumi sağlamlıq vəziyyəti, eləcə də çatışmazlıqların olması böyük əhəmiyyət kəsb edir.
Həkim izah edib ki, uzun müddət davam edən hipotermiya immunitet sistemini zəiflədə bilir, orqanizmi infeksiyalara və iltihablara qarşı daha həssas edir.
Onun sözlərinə görə, hipotermiya baş verdikdə, bədən istilik saxlamaq üçün qan damarlarını sıxaraq reaksiya verir. Soyuq dəridə, əzələlərdə və oynaqlarda sinir reseptorlarını qıcıqlandıraraq ağrı hissi yaradır. Bundan əlavə, hipotermiya iltihab vasitəçilərinin aktivliyinin artmasına səbəb olur ki, bu da əzələ və oynaq ağrıları ilə nəticələnir.
Soyuq və rütubətli hava xəstələrdə oynaqlarda şişkinliyin yaranmasına səbəb ola bilər. Bu baxımdan risk qrupuna daxil olan insanların ehtiyatlı olması, yanaşı xəstəlikləri ilə əlaqəli müalicələrini davam etdirməsi, düzgün geyim seçilməsi və soyuq havada az qalması tövsiyə olunur.