Yaşından və çəkisindən asılı olmayaraq sağlam qalmaq vacibdir. Bir çox mühüm amillər var: kifayət qədər su içmək, günəşdən qoruyucu krem istifadəsi və yaşıl tərəvəz yemək bütün tənliyin bir hissəsidir. İdman da hər kəs üçün vacibdir.

Aztibb.az “Planet Today” nəşrinə istinadən xəbər verir ki, yeni tədqiqatda bəhs edildiyi kimi, rəqs yağ yandırmaqda inanılmaz dərəcədə effektivdir və artıq çəkidən əziyyət çəkən və arıqlamağa çalışan insanlar üçün ürək sağlamlığını, psixi sağlamlığı və digər sağlamlıq göstəricilərini yaxşılaşdırmağa kömək edir.

Daha əvvəl dərc edilmiş 646 tədqiqatın meta-tədqiqatı rəqsin təsirlərini araşdırıb. Bu tədqiqatlar artıq çəkili insanlar üzərində cəmlənib. Bütün tədqiqatlara ən azı dörd həftə davam edən rəqs proqramları daxil edilib. Meta-tədqiqatın nəticələri göstərib ki, rəqs yağ yandırmaq və bel ətrafını azaltmaq üçün olduqca təsirlidir. Bəzi digər aerobik məşqlərdən fərqli olaraq, rəqs bütün bədəni əhatə edən bir məşqdir. Bu, iştirakçılara yeriməkdən və ya pilləkənlərə qalxmaqdan daha uzun müddət rəqs etməyə imkan verir.

"Rəqs artıq çəki və obez insanlarda yağ yandırmaqda təsirli olur və bədən quruluşunu və morfologiyasını əhəmiyyətli dərəcədə yaxşılaşdırır. Məşq, əyləncə və sosiallaşmanı birləşdirən fiziki fəaliyyət forması kimi rəqsin məşq etmək motivasiyasını artırmaq üçün faydaları var", ¬- Çinin Hunan Universitetindən Zhanq Yaya bildirib.

Bu, çəkidən asılı olmayaraq hər kəs üçün doğrudur. Rəqs əhvalınızı yaxşılaşdırmağa, qan təzyiqinizi aşağı salmağa, ürəyinizi sağlam saxlamağa və hipertansiyonu azaltmağa kömək edə bilər - bunların hamısı ümumi sağlamlığa töhfə verir. Beləliklə, bəlkə də hər kəsin rəqs meydançasına çıxma vaxtıdır.

Tədqiqatçılar ümumiləşdiriblər ki, rəqs kaloriləri yandırır, psixi sağlamlığı yaxşılaşdırır və qan təzyiqini aşağı salır, xüsusilə də artıq çəkisi olanlar və sağlam qalmaq üçün əla vasitədir.