Vərdişi tərk edən siqaret çəkənlər heç siqaret çəkməyənlər qədər yaşaya bilərlər. 

Aztibb.az “Medzdrav.info”ya istinadən xəbər verir ki, kanadalı alimlər araşdırma nəticəsində bu qənaətə gəliblər.

Tədqiqatçılar müxtəlif ölkələrdən 15 milyon insanı 15 il ərzində izləyiblər.

Təcrübə zamanı məlum olub ki, tütündən istifadəni tamamilə dayandırdıqdan 10 il sonra orqanizm demək olar ki, tamamilə bərpa olunur. Bu, xüsusilə 40 yaşından əvvəl siqareti tərgitməyə qərar verən insanlar üçün doğrudur.

Hər yaşda olan insanlar arasında və siqareti davam etdirən insanlarla müqayisədə 3 ildən az müddətə siqareti buraxmaq 5 illik həyat itkisinin qarşısını ala bilər, 10 il və daha çox müddətə siqareti buraxmaq isə təxminən 10 illik ömür itkisinin qarşısını ala bilər.

Alimlərin fikrincə, istənilən yaşda, lakin xüsusilə gənc yaşlarda siqaretdən imtina ümumi ölüm hallarının, eləcə də damar, tənəffüs və şiş xəstəliklərindən ölüm hallarının azalması ilə əlaqələndirilir.