Fundamental tədqiqatlara əsaslanan depressiya əlamətlərinin artması ilə bədən istiliyinin artması arasındakı əlaqəni San-Fransiskodakı Kaliforniya Universitetinin amerikalı alimləri müəyyən ediblər.

Aztibb.az xəbər verir ki, bu barədə “Scientific Reports” jurnalı məlumat yayıb.

Məlumata görə, tədqiqatda 106 ölkədən 20 mindən çox insan iştirak edib. Mütəxəssislər iştirakçıların psixi sağlamlıq durumu haqqında məlumat toplayıblar. Bütün könüllülərə 7 ay ərzində davamlı olaraq taxdıqları bədən istiliyini ölçən cihazlar verilib. Respondentlər həmçinin hər gün tədqiqat təşkilatçılarına dəyişikliklər barədə məlumat veribilər.

Nəticələri yekunlaşdıran alimlər müəyyən ediblər ki, iştirakçılarda depressiya əlamətlərinin artması tez-tez bədən istiliyinin artması ilə müşayiət olunur. Bu əlaqənin əsasında hansı mexanizmlərin dayandığı bilinmir. Depressiyadan əziyyət çəkən insanlarda daha yüksək bədən hərarətinin olması orqanizmin özünü soyutma qabiliyyətinin pisləşməsinə və ya maddələr mübadiləsində dəyişikliklərin baş verməsinə səbəb olduğu düşünülür.

Elmi fərziyyə ondan ibarətdir ki, depressiyadan əziyyət çəkən insanların hərarətini aşağı salmaq psixi sağlamlıq üçün faydalı ola bilər. Ancaq bu nəzəriyyə hələ də sübuta yetirilməyib.