Çernobıl Atom Elektrik Stansiyasının təcrid zonasında yaşayan canavarlar mutasiya nəticəsində onları radiasiyanın yaratdığı xərçəngdən qoruyan genomun sahibi olublar.
Aztibb.az “Daily Mail”ə istinadən xəbər verir ki, Çernobıldan olan mutant canavarların xərçənglə mübarizə qabiliyyətinə malik olduqları sübut edilib.
Amerika alimləri aşkar ediblər ki, Çernobıl təcrid zonasında yaşayan heyvanların immun sistemləri xərçəngə qarşı getdikcə daha davamlı olur.
2014-cü ildən bəri Prinston Universitetinin təkamülçü bioloqu Kara Lavın rəhbərlik etdiyi qrup radioaktiv şüalanmanın heyvan sağlamlığına təsirini öyrənir. Bu məqsədlə mütəxəssislər canavarlardan qan nümunələri götürərək onları dozimetrli GPS yaxaları ilə təchiz ediblər.
Alimlər istisna zonasında mutasiyaya uğramış canavarların DNT-si ilə ondan kənarda yaşayanlar arasında genetik fərqləri müqayisə ediblər. Xərçəng riski ilə əlaqəli bəzi genlərinin heyvanları radiasiyadan qorumaq üçün inkişaf etdiyi aşkar olunub.
