TƏBİB-in tabeliyindəki tibb müəssisələrində çalışan səhiyyə sahəsində uzunmüddətli və səmərəli fəaliyyəti ilə seçilən tibb işçilərinin stimullaşdırılması tədbirləri çərçivəsində daha bir qrup tibb işçisi TƏBİB-in İcraçı direktoru Vüqar Qurbanov tərəfindən təltif olunub.
Aztibb.az-a verilən məlumata görə, pensiya hüququ yaranan və əmək fəaliyyətinin son həddinə çatan tibb işçiləri uzunmüddətli və səmərəli xidmətlərinə görə vaxtaşırı olaraq təşəkkürnamələrlə təltif olunurlar.
Bu günə qədər TƏBİB-in tabeli tibb müəssisələrində çalışan və bu kateqoriyadan olan 38 nəfər müxtəlif ixtisaslı tibb işçisinə təşəkkürnamələr təqdim olunub.
Cari ilin yanvar ayı ərzində TƏBİB-in tabeliyində fəaliyyət göstərən Xəzər Tibb Mərkəzinin həkim-terapevti Mahir Rüstəmbəyov, Sumqayıt Tibb Mərkəzinin nəzdində olan Perinatal Mərkəzin həkim-mama-ginekoloqu Afaq Piriyeva və 4 nömrəli Ailə Sağlamlıq Mərkəzinin ailə həkimi-pediatr Aybəniz Əmiraslanova, Sabirabad Rayon Mərkəzi Xəstəxanasının həkim-terapevti Əlifağa Nadirov, Mərkəzi Neftçilər Xəstəxanasının həkim-nevroloqu Laləxanım Hüseynova TƏBİB-in İcraçı direktoru Vüqar Qurbanov tərəfindən səhiyyə sahəsində uzunmüddətli və səmərəli fəaliyyətinə görə təşəkkürnamə ilə təltif olunub.