Pandemiyanın əhali arasında ən çox bilinən əlaməti hərarət və quru öskürək sayılır. Lakin son zamanlar koronavirus daha fərqli əlamətlərlə özünü göstərir.

Aztibb.az yoluxmada sonrakı günlərə əsasən COVID-19-un əlamətlərini təqdim edir:

1-3-cü günlərdə soyuqdəymə, qripə bənzər əlamətlər ortaya çıxır. Yüngül hərarət və boğaz ağrısı müşahidə oluna bilər. İmmunitet zəifdirsə, ürəkbulanma və ishal da ola bilər.

4-cü gün boğaz ağrısı şiddətlənir, səs kallaşır. Qida, maye qəbulunda çətinlik yaranır. Yüngül baş ağrısı olur.

5-ci gün boğaz ağrısı şiddətlənir. Yemək, içmək çox ağrılı hala gəlir. Bədəni, hansısa əzanı hərəkət etdirmək çox ağrılı olur. Oynaqlarda ağrı yaranır.

6-cı gün quru öksürək başlayır. Danışanda, udqunanda boğaz ağrısı daha da şiddətlənir. Ürəkbulanma artır. Nəfəs almada çətinlik yaranır. İshal və qusma şiddətlənir.

7-ci gün hərarət 38 dərəcəni keçir. Öskürək və bəlğəm çox çiddətlənir. Bədən və baş ağrıları ilə yanaşı qusma da çox şiddətli hala gəlir.

8-ci gün nəfəs alıb-vermədə çətinlik yaranır. Döş qəfəsi bölgəsi çox ağır hiss olunur. Öskürəklə yanaşı baş və oynaq ağrıları çox artır. Hərarət 38 dərəcəni keçir.

9-cu gün bütün simptomlar şiddətlənir. Üzdə və dodaqlarda maviləşmə yaranır. Öskürək və bəlğəm çox şiddətlənir. Bədən və baş ağrıları ilə yanaşı qusma da çox şiddətlənir.

Qeyd edək ki, bütün bu simptomlar hamıda eyni ardıcıllıqla baş vermir. Göz, qulaq ağrısı, dəridə ləkələr, iy və dad bilmənin itməsi və s. əlamətləri çox yüngül keçirən və ya ümumiyyətlə o simptonları yaşamayanlardar çoxdur.