Bir insanın insult riski altında olduğunu necə bilmək olar? Riskin səbəbləri artıq məlumdur, lakin problemlərin nə vaxt yaranacağını dəqiq proqnozlaşdırmaq hələ ki, mümkün deyil.

Aztibb.az “Medzdrav.info” portalına istinadən xəbər verir ki, bununla belə, Kazan Universitetinin mütəxəssisləri insult və digər beyin xəstəliklərinin diaqnostikası üçün üsul tapıblar.

Bu kəşf klinik praktikaya çevrilə bilsə, fəal şəkildə kəskin damar pozğunluqlarının qarşısını almaq daha asan olacaq. Bu o deməkdir ki, ölümlər daha az olacaq.

Kazan Federal Universitetinin Fundamental Tibb və Biologiya İnstitutunun Neyrofiziologiya laboratoriyasının alimləri əcnəbi həmkarları ilə birlikdə depolarizasiya prosesini - beyin qabığından yavaş bir dalğanın keçməsini tədqiq ediblər.

Bu dalğa müxtəlif patologiyalarda, o cümlədən auralı miqren, epilepsiya, travmatik beyin zədəsi və işemik insult zamanı baş verir. Alimlər yaxınlaşan hücum təhlükəsini əvvəlcədən tanımaq üçün elektroensefaloqrafiyadan istifadə etməyi qarşılarına vəzifə qoyublar.

Beləliklə, onlar beyində elektrik aktivliyinin əlavə yeni parametrlərini qeyd edə bilən prototip cihaz hazırlayıblar.