Alimlər müəyyən ediblər ki, xroniki mədə-bağırsaq xəstəliyi irsi xarakter daşıyırsa xəstəni başqa bir ciddi xəstəliyin hədəfinə çevirir.

Aztibb.az xəbər verir ki, bununla bağlı araşdırmanın nəticələri İsveçrənin “Frontiers in Genetics” elmi jurnalında dərc olunub.

Alimlər tez-tez mədə yanmasından əziyyət çəkən 129 000 xəstənin və qastroezofageal reflü xəstəliyinin (GERD) bu simptomu ilə praktiki olaraq tanış olmayan 602 000 insanın genetik məlumatlarını öyrəniblər.

GERD ilə mədədən (və bəzən onikibarmaq bağırsağın) qida tez-tez özofaqusa axır. Buna görə yalnız mədə yanması deyil, həm də gəyirmə baş verir. Əvvəllər məlum idi ki, GERD qida borusunun iltihabı və Barret özofaqusu (xərçəngdən əvvəlki vəziyyət) kimi xəstəliklərin inkişafına təkan verir.

İndi elm adamları aşkar ediblər ki, əgər sizdə mədə yanması varsa, daha çox başqa bir diaqnozla – revmatoid artritlə qarşılaşırsınız. Tədqiqat həmçinin bu xəstəliyə tutulan 6000, eləcə də xəstəliyi olmayan 147.000 insan haqqında məlumatı əhatə edib.

Məlumatların təhlili göstərib ki, ailədə GERD tarixi revmatoid artrit riskini 69% artırır. Ancaq bu, xəstəliklər arasında qarşılıqlı deyil. Yəni artrit səbəbiylə mədə yanması rastlanmayan haldır.