Sinir sistemi üçün vacib olan bu vitaminin çatışmazlığı və depressiya ilə əlaqəli psixi problemlər xəstələrdə idrak funksiyasının və yaddaşın pisləşməsinə birlikdə kömək edə bilər.

Aztibb.az “SM.News” xəbər agentliyinə istinadən yazır ki, alimlərin qənaətinə görə, B12 vitamini çatışmazlığı və depressiya demensiyanın simptomlarını təqlid edən, lakin onun səbəbi olmayan psevdomensiyanın (bütün bilik və bacarıqların qısamüddətli itirilməsi) inkişafında rol oynayır.

Bir araşdırma B12 vitamini çatışmazlığı olan, xüsusən də depressiyadan əziyyət çəkən xəstələrdə psevdomensiyanın inkişaf riskinin əhəmiyyətli dərəcədə daha çox olduğunu müəyyən edib. B12 vitamini çatışmazlığı həm vegetarianlar, həm də qeyri-vegeterianlar üçün düzgün olmayan pəhriz və vitaminin qidadan mənimsənilməsi ilə bağlı problemlər səbəbindən baş verə bilər. Depressiyaya isə müxtəlif faktorlar, o cümlədən genetik meyllər və stresli vəziyyətlər səbəb ola bilər.

Alimlər vurğulayıblar ki, B12 vitamini çatışmazlığı və depressiyanın vaxtında diaqnostikası və müalicəsi psevdomensiyanın inkişaf riskini əhəmiyyətli dərəcədə azalda və xəstələrin həyat keyfiyyətini yaxşılaşdıra bilər. Bu nəticələr həm də sağlam beyin funksiyasını və yaddaşı qorumaq üçün balanslaşdırılmış pəhriz saxlamağın və psixi sağlamlığa diqqət yetirməyin vacibliyini vurğulayır.