Yaşla bağlı dəyişikliklər səbəbiylə testosteron səviyyəsinin azalması qadın libidosunun azalmasına səbəb ola bilər.

Aztibb.az “Gazeta” nəşrinə istinadən xəbər verir ki, mama-ginekoloq Daria Kazakova müsahibəsində qadın libidosunun azalması prosesinin baş verməsinin əsas amilləri barədə danışıb. Ekspert qeyd edib ki, bu prosesin inkişafının səbəbi daimi stress, xroniki yorğunluq, özünə inamsızlıq hissi, görünüşündən narazılıq və sevilən insanla münaqişə vəziyyətləri ola bilər.

Ginekoloq onu da bildirib ki, səbəb bədəndə testosteron səviyyəsinin azalması ola bilər ki, bu da əsasən otuz ildən sonra baş verir. Testosteron azaldıqca qadın libidosu da dəyişir. Yaş artdıqca qadınların partnyoruna qarşı cinsi istəklərinin azaldığı qeyd edilir.

Qadınlarda libidonun azalması doğuşdan sonrakı dövrdə də baş verə bilər. Bu, bədəndə estrogen istehsalının azalması ilə əlaqədardır və prolaktin daha çox istehsal olunmağa başlayır ki, bu da qadın cinsiyyət orqanlarında quruluğa səbəb olur. Qadın libidosunun azalmasının səbəbi menopozun başlanğıcı, müxtəlif qadın ginekoloji xəstəlikləri, ürək xəstəlikləri və digər xəstəliklər ola bilər. Mütəxəssis məsləhət görür ki, hər bir insan ehtiyacları fərdi olduğundan cinsi əlaqənin tezliyi barədə narahat olmamalıdır.