Endokrinoloq Zuxra Pavlova qadın və kişilər arasında yuxu ehtiyacının fərqindən danışıb.

Aztibb.az “Medzdrav.İnfo”ya istinadən xəbər verir ki, həkimin bildirdiyinə görə, zərif cinsin nümayəndələri daha çox yatmalıdır.

Həkimin fikrincə, qadın kişidən 15-30 dəqiqə çox yatmalıdır. Bu fərq qadın beyninin işi ilə bağlıdır. O, kişidən daha intensiv işləyir.

Araşdırmaya görə, qadın beyni gün ərzində bir çox problemi həll edir: gündəlik problemlər, uşaq tərbiyəsi, iş problemləri və kişi ilə münasibətlər. İşinin çox olması səbəbindən istirahət etmək üçün daha çox vaxt lazımdır.

Bundan əlavə, progesteron hormonu qadınlara təsir göstərir. Aylıq dövrünün son günlərində onun səviyyəsi yüksəlir, bu da həddindən artıq yorğunluğa və yuxuya getmək istəyinə səbəb olur.

Ekspert həmçinin qeyd edib ki, yatmazdan əvvəl bir stəkan şərab içmək gün ərzində alınan məlumatların işlənməsi üçün cavabdeh olan yuxunun kritik dövrünün müddətinin azalmasına gətirib çıxarır. Buna görə də, gecə spirtli içkilər yuxuya kömək etmir. Əksinə, keyfiyyəti aşağı düşür.