Ümumdünya Xərçənglə Mübarizə Günü həftəsində ekspert Yuliya Jusina təhlükəli xəstəliyə işarə edən simptomlardan danışıb.
Aztibb.az “Medzdrav.İnfo”ya istinadən xəbər verir ki, onun sözlərinə görə, bu simptomların olması həmişə xərçəngin inkişafını göstərmir, lakin onlar hərəkətə keçmək və həkimə müraciət etmək üçün mühüm səbəbdir.
Ekspert qeyd edib ki, xərçəng müxtəlif formalarda özünü göstərə bilər, eyni diaqnozu olan müxtəlif xəstələrdə fərqli əlamətlər ola bilər, bəzi insanlarda isə hətta heç bir əlamət olmur.
Aşağıdakı simptomlardan hər hansı biri varsa, həkiminizlə məsləhətləşməlisiniz:
qəfil gecə tərləmələri və ya səbəbsiz qızdırma,
sidikdə, nəcisdə və ya bəlğəmdə qan,
səbəbsiz kilo itkisi və ya bədəninizin hər hansı bir hissəsində qeyri-adi şişliklər.