Əksər hallarda bədxassəli şişlər gec mərhələdə aşkar edilir ki, bu da ölümə səbəb olur.

Aztibb.az “Med Novelty” portalına istinadən xəbər verir ki, beynəlxalq statistikaya görə, Monqolustanda xərçəngdən ölüm halları yüksəkdir. Bundan əlavə, bu Asiya ölkəsində ölümlə bağlı ümumi statistikanı götürsək, onda hər beşinci insan xərçəngdən ölür. Çox vaxt xərçəng qaraciyər və mədədə olur.

Monqolustanın Milli Xərçəng Mərkəzi son iyirmi il ərzində xərçəng xəstələrinin sayının durmadan artdığını göstərən statistik məlumatlar təqdim edib. Ötən il 7 min insanda xərçəng aşkarlanıb. 65% hallarda diaqnoz xəstəliyin gec mərhələlərində qoyulduğu üçün Monqolustanın 4556 sakini xərçəng xəstəliyindən dünyasını dəyişib.

Statistikaya görə, 45 yaşdan yuxarı insanlar risk altındadır. Çox vaxt onkologiya bu yaşda aşkar edilir. Həkimlərin sözlərinə görə, buna səbəb əsasən ət və yağlı qidalardan ibarət monqol pəhrizi olub.