Tədqiqatçılar Gavialis gangeticus kimi tanınan balıq yeyən timsahlardan tutmuş bəbirlərə (Neofelis nebulosa) qədər 51 heyvan növünün genomlarını xəritələşdirib dərc ediblər.
Aztibb.az xəbər verir ki, “Nature Biotechnology” jurnalında dərc edilən bir məqaləyə görə, bu genetik nümunələrin insanlar üçün, xüsusən də təkamül tariximizi anlamaq üçün geniş təsirləri ola bilər.
Johns Hopkins Universitetinin həmmüəllifi, professor Mişel Sşat bildirib ki, müəyyən mənada biz təkamülçü bir zaman maşını qururuq. Təkamülçü genlərinin xəritəsini çəkmək özümüzü daha yaxşı anlamağa kömək edəcək.
Qeyd edib ki, genomların xəritələşdirilməsi tarixən çox əziyyətli proses olub. 1990-cı ildən başlayaraq, ilk insan genetik planını yaratmaq üçün tədqiqatçılara 13 il lazım olub.
Bununla belə, müxtəlif növlərin DNT-nin xəritələşdirilməsi texnologiyası son bir neçə onillikdə sürətlə inkişaf etmişdir və bu yeni layihə ardıcıllıq müddətini illər və aylardan günlərə azaldan daha bir addımdır.
Bunun üçün komanda iki layihənin tədqiqatından istifadə edib: Onurğalı Genomları Layihəsi və Avropa Genom Referans Atlası. Eyni zamanda, genetik xəritədə alqoritmlər və kompüter proqramlarından faydalanılıb.
Komanda müəyyən edib ki, onların yeni texnologiyası genom seqmentlərinin yığılması və dəqiq xəritənin yaradılması üçün mövcud yanaşmalardan daha səmərəlidir.