Con Millerin rəhbərlik etdiyi Kaliforniya Universitetinin bir qrup alimi ətin N-qlikolilneuramin turşusundan (Neu5Gc) təmizlənməsi üçün perspektivli üsul təklif edib.

Aztibb.az “Nature Microbiology” jurnalına istinadən yazır ki, qırmızı ət, donuz və quzu ətində olan bu birləşmə insan orqanizmində şəkərlə birləşərək müxtəlif xəstəliklərə, hətta vaxtından əvvəl ölüm riskini artıran iltihabi proseslərə səbəb olduğu üçün insan sağlamlığına təhlükədir.

Maraqlıdır ki, Neu5Gc məməlilərdə çox yayılmış birləşmədir, insan orqanizmi isə müvafiq genin olmaması səbəbindən onu sintez edə bilmir. Bu, Neu5Gc-nin nə üçün ətdə çox, lakin süd məhsullarında daha az miqdarda olduğunu, nə üçün quş ətində olmadığını və balıqda az miqdarda tapıldığını izah edib.

Alimlər laboratoriya siçanları üzərində apardıqları araşdırmada qırmızı ət istehlak edən siçanlarda Neu5Gc-ni ətdən ayırıb onu udmaq qabiliyyətinə malik olan sialidaza fermentini sintez edən Bacteroidetes tipli bakteriyaların aktivləşdiyini aşkar ediblər. Bu kəşf Neu5Gc-nin ətdən çıxarılması üsullarının işlənib hazırlanması perspektivini açır və onu istehlak üçün daha təhlükəsiz edir.

Tədqiqat müəllifləri əmin olduqlarını bildiriblər ki, onların nəticələri Neu5Gc tərkibinin azaldılmasına və nəticədə onun insanlar üçün təhlükəsizliyinin artırılmasına yönəlmiş yeni ət emalı metodlarının inkişafına səbəb ola bilər.

Tədqiqatın təfərrüatları jurnalında dərc olunub və bu kəşf ət məhsullarının təhlükəsiz istehlakı üçün böyük perspektivlər açır.