Kornell Universitetinin amerikalı alimləri araşdırma zamanı pomidor suyunun yeni antimikrobiyal xüsusiyyətlərini aşkar ediblər. Məlum olub ki, içki bəzi bağırsaq patogenlərini, məsələn, salmonellanı (Salmonella Typhi) aradan qaldırmaq qabiliyyətinə malikdir.

Aztibb.az xəbər verir ki, bu barədə Microbiology Spectrum jurnalı məlumat yayıb.

Elmi araşdırma nəticəsində məlum olub ki, pomidor suyunun tərkibində olan antimikrob peptidlər bağırsaq infeksiyası salmonellyozuna səbəb olan Salmonella cinsindən olan bakteriyaları məhv edə bilir. Bundan əlavə, peptidlər bakterial membranları da məhv edə bilər.

Beləliklə, məlum olub ki, pomidor şirəsi peptidləri S.Typhimurium və E.coli kimi patogen bakteriyaların membranlarını məhv edə bilir. Elmi qənaətə görə, pomidor suyunu bu şəkildə içmək insan orqanizminə əhəmiyyətli faydalar verə bilər.