Viral və bakterial infeksiyalara qarşı mübarizə fonunda göbələk patologiyasına diqqət bir qədər zəifləyib. Onların təhlükəsi haqqında insanların bilməsi vacibdir.

Aztibb.az xəbər verir ki, “The Conversation” nəşrinin yazdığına görə, son 10 ildə əvvəlki illərlə müqayisədə iki dəfə çox insan göbələk infeksiyalarından dünyasını dəyişib.

ÜST-ün məlumatına görə, göbələklər hər il təxminən 3,8 milyon insanı öldürürlər ki, bu da dünyadakı bütün ölümlərin təxminən 6,8%-ni təşkil edir.

Mançester Universitetinin mütəxəssisləri bunu infeksiyaların diaqnozunun çətinliyi ilə izah edirlər. Son illər bu istiqamətdə xeyli işlər görülsə də, problem aktuallığını qoruyur. Problemin başqa tərəfi də var. Müalicə üçün təsirli dərmanların olmaması.

Göbələk astma, vərəm, xərçəng xəstələri, həmçinin orqan transplantasiyasından sonra insanlar üçün ən təhlükəlidir. Reanimasiyada olan xəstələr də risk altındadır. Məsələn, Candida infeksiyası sepsisə səbəb ola bilər.

Şəkərli diabet, böyrək çatışmazlığı, astma diaqnozu qoyulmuş, eləcə də ciddi xəsarət almış insanların orqanizmində göbələk daha asan inkişaf edir.

Xəstə insanların toxunulmazlığı uzun müddət zəiflədiyi üçün koronavirus pandemiyası fonunda yoluxmaların əhəmiyyətli dərəcədə artması baş verib.

Hazırda göbələk infeksiyalarına qarşı peyvənd yoxdur.