Rusiyada son sutka ərzində daha 18 140 nəfər yeni növ koronavirus (COVID-19) infeksiyasına yoluxub.

Aztibb.az xəbər verir ki, Rusiyada COVID-19-a yoluxanların sayı 1 618 116 nəfərə çatıb.

Son sutka ərzində 334 nəfərin koronavirusdan öldüyü bildirilib. Ümumilikdə koronavirusdan ölənlərin sayı 27 990 nəfərə çatıb.

Qeyd edək ki, Rusiya koronavirusa yoluxmaların sayına görə dünyada ABŞ, Hindistan və Braziliyadan sonra dördüncü yerdə gəlir.

Gürcüstanda son sutka ərzində 1673 yoluxma halı qeydə alınıb. Bu barədə Gürcüstanın hökumət administrasiyasının rəhbəri Natia Mezvrişvili bildirib. Bununla da qonşu ölkədə koronavirusa yoluxanların sayı 38 936  nəfərə çatıb.

Virusa yoluxanlardan  22 691 nəfərin sağaldığı bildirilir.

Ermənistanda koronavirusa yoluxanların sayı 89 813 nəfərə çatıb. Son sutka ərzində 2 381 nəfərdə infeksiyaya yoluxma faktı aşkarlanıb.

Bundan başqa, daha 41 nəfərin ölümü qeydə alınıb.

Bu günədək Ermənistanda 1 341 nəfər koronavirusdan ölüb, 32 788 nəfərin müalicəsi isə davam edir.

Qeyd edək ki, ölkədə fövqəladə vəziyyət ləğv edilsə də, karantin rejimi 2021-ci il yanvarın 11-dək uzadılıb.