Xüsusilə qış aylarında ictimai yerlərdə olmaq məcburiyyətində qalan insanlar yoluxucu xəstəliklər riski ilə üzləşirlər.
Aztibb.az “Habertürk”ə istinadən xəbər verir ki, xəstəlik riskinə qarşı toxunulmazlığın gücləndirilməsində daha sürətli və təsirli nəticə əldə etmək üçün vitamin əlavələrinin ağızdan və ya damar yolu ilə alınmasının əhəmiyyətinə diqqət çəkən Dr. Erdal Dilekçi bu tətbiqlərlə bağlı bəzi məlumatları verib:
“Mütəxəssis həkim nəzarətində düzgün planlama ilə edilən C vitamini, ozon terapiyası və alfa lipoik turşu kimi əlavələr bədənin müdafiə mexanizmlərini gücləndirir. Dayaq-hərəkət sisteminə güclü təsir göstərən ozon terapiyası, antioksidant mənbəyi olduğu üçün soyuqdəymə və qrip kimi xəstəliklərlə mübarizədə təsirli olduğu bilinir. Sağlam damarlara və hüceyrə yenilənməsinə qatqı təmin edən, mütəxəssis həkim nəzarəti altında, fərdi planlarla, düzgün doza tənzimləmələrinə diqqət edilərək tətbiq edildikdə, mövsümün zərərli təsirlərindən qorunmağa kömək edə bilər. Diqqət yetirilməsi lazım olan ən mühüm məqam odur ki, bu əlavələr şüursuz, mütəxəssis həkim nəzarəti olmadan və ya insanın ümumi sağlamlıq vəziyyətindən xəbərsiz qəbul edilməməlidir”.
Nəzarətsiz qəbul edilməsi allergik reaksiyalara səbəb ola bilər
Bu məsələyə “əvvəllər dəfələrlə etmişəm, heç nə olmayacaq” düşüncəsi ilə yanaşmaq olmaz: “Bir insanın evdə və ya hər hansı xəstəxanada bu əməliyyatları problemsiz etdirməsi gələcəkdə problem yaşamayacağı anlamına gəlmir. Sözügedən vitamin və zərdabların tərkibindəki aktiv maddələr bir müddət sonra insanın maddələr mübadiləsində lazım olmaya bilər və nəzarətsiz olaraq əlavə qəbul etməyə davam etmək arzuolunmaz allergik reaksiyalara səbəb ola bilər".
