COVID-19 epidemiyasından başlayaraq yaşanan neqativlər stress səviyyələrini artırıb. Bu vəziyyət 2023-cü ildə xəstəxanalarda psixiatriya və psixologiya şöbələrinə müraciətlərin sayını çoxaldıb.
Aztibb.az “TRT Haber”ə istinadən xəbər verir ki, mütəxəssislər psixiatriya və psixologiya şöbələrinə müraciətlərin artmasını kollektiv travmaların yaşanması ilə əlaqələndiriblər.
Bir çox ölkələrdə çətinliklər, xəstəliklər, travmalar, itkilər, xüsusilə fəlakətlər, zəlzələlər və terror dərin psixoloji zərbələr vurur.
Ötən müddət ərzində, pandemiya səbəbindən onlayn psixoloq xidmətlərinə maraq artıb. Onlayn terapiya, ilk növbədə vaxta qənaət etmək imkanı verir. Terapiya almaq istəyən müştərilərin özlərini rahat hiss etdikləri mühitlərdə istədikləri vaxt mütəxəssislərlə görüşməyə başlamalarını asanlaşdırır.
Başqa bir səbəb, onlayn müalicələrin anonimlik seçimini təklif etməsidir. Cəmiyyətimizin bir çox yerində hələ də terapiya almaqdan çəkinən, psixoloq kabinetində görünmək istəməyənlər az deyil. Bu onlayn terapiya şəxsiyyət məlumatlarını vermək istəməyən və söhbətlərini video deyil, yalnız audio və yazılı formada aparmaq istəyən müştərilər üçün cəlbedici oldu.
Bundan əlavə, onlayn terapiya fiziki qüsurları olan və ya yaşadıqları yerdə terapiya xidmətləri olmayan şəxslər üçün psixi sağlamlıq xidmətləri almağa imkan yaratdı.
Bazara yeni girmiş onlayn terapiya platformalarının rəqabəti həm xidmət keyfiyyətini artırır, həm də psixoterapiya xidmətlərini maliyyə baxımından daha əlçatan edir.
