Mövcud məlumatlara görə, cüzamlı xəstələrin 60%-də libido və erektil funksiya ilə bağlı problemlər olur.

Aztibb.az “Arqumentı i faktı” nəşrinə istinadən xəbər verir ki, həkim Arfeniya Kərəmovanın sözlərinə görə, bu hadisələr hormonal balanssızlıq və cüzam xəstəliyinə yoluxanlarda testislərin iltihabı ilə əlaqələndirilir. Xaya iltihabı ciddi ola bilər və xəstələrin 51-76%-də xaya kiçilməsi baş verir.

Həkim Arfeniya Kərəmova vurğulayıb ki, cüzamlı xəstələrdə follikul stimullaşdırıcı və lüteinləşdirici hormonların səviyyəsi yüksəlir, qanda testosteron səviyyəsi azalır. Bununla belə, qeyd etmək lazımdır ki, yoluxmuş şəxslərin libidosuna xəstəliyin özü də təsir edə bilər.

Ümumiyyətlə bu xəstəlik bakterial infeksiya olduğuna görə, uzunmüddətli xüsusi antibiotiklərlə müalicə edilir. Cüzam xəstələri profilaktika üçün izolyasiya olunmalı, diaqnoz dəqiqləşdirilənə qədər müalicə davam etməlidir. Cüzam xəstələrinin sayının çoxluğu həmin ölkədə qida məhsullarının keyfiyyətinin və yaşayış səviyyəsinin aşağı olmasının göstəricisidir. Ata və ana cüzamlı olsalar da, ana bətnindəki uşaq sağlam olur. Çünki xəstəlik qan vasitəsilə anadan dölə keçmir.