Böyük Britaniya əhali arasında profilaktik peyvəndləmə proqramına uyğun olaraq cari il qripə qarşı peyvəndlərin ixracını məhdudlaşdıracaq.

Aztibb.az-ın "İnterfaks"a istinadən verdiyi məlumata görə, bu barədə ölkənin Səhiyyə naziri Mett Henkok bildirib.

M.Henkok deyib: "Bu tədbir qışdan əvvəl 30 milyon doza qripə qarşı peyvəndin təmin edilməsi planlarımızı qoruyacaq".

Nazir vurğulayıb ki, hazırkı mərhələdə Birləşmiş Krallıqda peyvəndləmə üçün kifayət qədər preparat var.