Tibb işçilərinin fədakar əməyini nəzərə alaraq, 2021-ci ilin dünyada "Səhiyyə işçiləri ili" elan olunmasına dair təklifimizi diplomatik kanallar vasitəsilə Ümumdünya Səhiyyə Təşkilatına çatdırdıq.

Aztibb.az medimagazin.com.tr-yə istinadən xəbər verir ki, bunu Türkiyənin Səhiyyə naziri Fəxrəddin Qoca İstanbulda keçirilən Türk Şurası Sağlamlıq Elmləri Şurasının iclasında çıxışı zamanı səsləndirib. O, bildirib ki, bütün dünyada olduğu kimi, ölkəmizdə də xəstəlik sayında artım müşahidə olundu. Lakin bu artım pandemiyanın heç bir dövründə nəzarətimizdən çıxmadı. 

"Ölkəmiz pandemiya dövründə Türkiyə Prezidenti Rəcəb Tayyib Ərdoğanın rəhbərliyi altında güclü səhiyyə infrastrukturu və peşəsinə sadiq səhiyyə işçiləri ilə uğurlu bir imtahandan keçir. Bütün tibb işçilərinin fədakar əməyinin qiymətləndirilməsi baxımından 2021-ci ilin dünyada "Səhiyyə işçiləri ili" elan olunması təklifi irəli sürmüşük. Ümid edirəm, bu təklif noyabr ayında keçiriləcək Ümumdünya Səhiyyə Assambleyasında qəbul ediləcəkdir", - deyə F.Qoca bildirib.