Massaçusets Texnologiya İnstitutunun alimləri digər planetlərdə həyatın mövcudluğu üçün əsas kimi uyğun ola biləcək suya alternativ həllediciləri araşdırıblar.
Aztibb.az lenta.ru-ya istinadən xəbər verir ki, araşdırmanın nəticələrinə görə, həyat üçün yeganə uyğun əsasın yalnız su olduğu ortaya çıxıb.
Tədqiqatçılar kainatda su ilə eyni rolu oynaya bilən, əsas qidaları həll edən və onları canlı orqanizmlər üçün əlçatan edən başqa molekulların olub-olmadığını araşdırıblar. Belə maddələr dörd kriteriyaya cavab verməlidir: yalnız bəzi molekulları (hamısını deyil) həll etməlidir, maddələr mübadiləsində mühüm rol oynamalıdır, kompleks üzvi molekulların geniş spektrini məhv etməməli və qayalı planetlərdə mövcud olmalı.
Məlum oldu ki, bütün məlum həlledicilər arasında bu şərtləri təmin edən yeganə maddə sudur. Ammonyak ilk üç şərti ödəyir, lakin ultrabənövşəyi radiasiya ilə asanlıqla məhv edilir. Həmçinin, ammonyak olan yerdə su da mövcuddur, ona görə də o, əsas həlledici olmayacaq.
Konsentratlaşdırılmış sulfat turşusu da üç əsas şərti ödəyir, baxmayaraq ki, onun müxtəlif üzvi molekulları dəstəkləyə biləcəyi məlum deyil. Başqa bir ümumi potensial həllediciyə, karbon qazına gəldikdə, elm adamları onun xassələrinin mürəkkəb maddələr mübadiləsini dəstəkləmək üçün uyğun olub olmadığını öyrəniblər.
Bununla belə, o, bir çox növ molekullarla reaksiya verir və elm adamları maye CO2-nin xassələrinin daha çox öyrənilməsinə layiq olduğunu düşünüblər.